"Liverpul"ning 18 yoshli markaziy himoyachisi Jovanni Leoni "Sautgempton"ga (2:1) qarshi bahsda jamoa safida debyut qildi. Italiyalik futbolchi tizzasidan olgan jarohati tufayli o‘yin oxirida zaxiraga olindi.
Insayder Nikola Skiraning ta’kidlashicha, Leoni tizzaning oldingi xochsimon bog‘lamini jarohatlab olgan bo‘lishi mumkin. Aytish kerakki, o‘yindan so‘ng "Liverpul" bosh murabbiyi Arne Slot shunday dedi: "Futbolchi bunday jarohat olsa, bu odatda yaxshilik alomati emas".
"Liverpul" Leonini yozgi transferlar davrida Italiyaning "Parma" klubidan 31 million yevro evaziga transfer qilgandi. Mersisaydliklar safida himoyachi bitta o‘yinda maydonga tushdi.
