"Ливерпуль"нинг 18 ёшли марказий ҳимоячиси Жованни Леони "Саутгемптон"га (2:1) қарши баҳсда жамоа сафида дебют қилди. Италиялик футболчи тиззасидан олган жароҳати туфайли ўйин охирида захирага олинди.
Инсайдер Никола Скиранинг таъкидлашича, Леони тиззанинг олдинги хочсимон боғламини жароҳатлаб олган бўлиши мумкин. Айтиш керакки, ўйиндан сўнг "Ливерпуль" бош мураббийи Арне Слот шундай деди: "Футболчи бундай жароҳат олса, бу одатда яхшилик аломати эмас".
"Ливерпуль" Леонини ёзги трансферлар даврида Италиянинг "Парма" клубидан 31 миллион евро эвазига трансфер қилганди. Мерсисайдликлар сафида ҳимоячи битта ўйинда майдонга тушди.
