FIFAda JCH-2030ni 64ta jamoaga kengaytirish masalasi muhokama qilindi.
Seshanba kuni FIFA Janubiy Amerika vakillari delegasiyasidan rasmiy taklif olganidan so‘ng, erkaklar o‘rtasidagi jahon chempionatini 2030 yilda 64 ta jamoa ishtirok etadigan turnirga aylantirish masalasini muhokama qildi.
Guruh tarkibiga Paragvay va Urugvay davlatlari rahbarlari, shuningdek, Janubiy Amerika KONMEBOL konfederasiyasi rahbarlari va Argentina futbol assosiasiyasi (AFA) rahbari kirdi.
Uchrashuv FIFAning Nyu-Yorkdagi Tramp minorasida (Trump Tower) joylashgan bosh qarorgohida FIFA prezidenti Janni Infantino va bosh kotibi Mattias Grafstrem ishtirokida bo‘lib o‘tdi.
64 ta jamoa ishtirokida turnir tashkil etish g‘oyasi birinchi marta Urugvay futbol assosiasiyasi prezidenti Ignasio Alonso tomonidan mart oyida bo‘lib o‘tgan FIFA kengashi yig‘ilishida taqdim etilgan. Aprel oyida KONMEBOL prezidenti Alexandro Dominges 64 ta jamoa ishtirokidagi konsepsiya 1930 yilda Urugvayda bo‘lib o‘tgan birinchi jahon chempionatining 100 yilligiga bag‘ishlangan noyob tadbir bo‘lishini aytdi.
The Athletic nashrining yozishicha, ayni damda taklif qarama-qarshi reaksiyalarga sabab bo‘lmoqda. Turnirni kengaytirish bo‘yicha har qanday qaror FIFA Kengashida muhokama qilinishi va ma’qullanishi kerak.
