Fermin Lopes "Barselona" akademiyasidagi qiyin start haqida gapirdi.

"La Masiya"dagi birinchi kunim hayotimdagi eng yomon kun bo‘ldi. Men birinchi marta uydan chiqdim va ko‘p yig‘ladim.

"Barsa" 11 yoshimda men bilan qiziqqan, lekin otam "yo‘q" deb javob bergan, chunki men juda yosh edim. Ikki yil o‘tgach, klub yana qo‘ng‘iroq qilib, bu mening so‘nggi imkoniyatim ekanini aytdi.

Boshlanishi oson bo‘lmadi, oilam va do‘stlarimdan uzoqda bo‘lishimga to‘g‘ri keldi. Juda og‘ir bo‘ldi, ammo Xavi Simons va boshqa futbolchilar bilan yaxshi jamoa tuzdik," - deydi "ko‘k-anorranglilar" yarim himoyachisi RAC1 telekanaliga bergan intervyusida.