"Navbahor" futbol klubi jamoa bosh murabbiyi Sergey Ivanovich Lushan bilan tuzilgan mehnat shartnomasini bekor qildi.

Eslatib o‘tamiz, Sergey Lushan o‘tgan mavsumning 2-davrasida namanganliklarga bosh murabbiy etib tayinlangandi.

Uning boshqaruvida "lochinlar" Superligada 35 ta o‘yin o‘tkazib, 16 ta g‘alaba, 9 ta durang, 10 ta mag‘lubiyat, O‘zbekiston kubogi doirasidagi bahslarda esa 8 ta uchrashuvda maydonga tushib, 5 ta g‘alaba (ikkitasi penaltilar seriyasi bo‘yicha), 1 ta durang hamda 2 ta mag‘lubiyatni qayd etishdi.