Yarim himoyachi Kristian Norgor Liga kubogi doirasida "Port Veyl"ga qarshi to‘liq o‘yin o‘tkazdi. "Kanonirlar" 2:0 hisobida g‘alaba qozongan o‘yindan so‘ng daniyalik o‘z fikrlarini bildirdi.
"Birinchi marta asosiy tarkibda maydonga tushish - ajoyib tuyg‘u. Men buni uzoq kutdim. Mavsumoldi yig‘inida buni boshdan kechirdim, ammo keyin, afsuski, jarohat oldim. Biroz kutishga to‘g‘ri keldi. O‘yin og‘ir bo‘ldi, lekin biz uddaladik.
Jarohat meni xafa qildi, lekin haqiqatga tik qarash kerak: bundan ham yomonroq bo‘lishi mumkin edi. Men uchta o‘yinni o‘tkazib yubordim - bu dunyoning oxiri emas," - dedi Nyorgor jurnalistlarga.
"Arsenal" keyingi o‘yinini 28 sentyabr kuni Premyer-liga doirasida safarda "Nyukasl"ga qarshi o‘tkazadi.
