Myunxenning "Bavariya" klubi sharafini himoya qilayotgan fransiyalik himoyachi Dayo Upamekano Angliya Premyer-ligasining top-klubiga ko‘chib o‘tish imkoniyatiga ega. Bu haqda Bild jurnalistlari xabar bermoqda.
Manbaga ko‘ra, futbolchiga Premyer-liganing amaldagi chempioni "Liverpul" qiziqish bildirmoqda. Mersisaydliklar Upamekanoni tekinga qo‘lga kiritishga umid qilmoqda, chunki uning nemis grandi bilan shartnomasi kelasi yilning yozida tugaydi.
Dayo 2021 yildan beri Myunxen jamoasida o‘ynamoqda. Joriy o‘yin mavsum himoyachi oltita o‘yin o‘tkazdi. Futbolchining bozor narxi 50 million yevroga baholanmoqda.
