France Football jurnalining o‘tgan mavsum yakunlari bo‘yicha eng yaxshi yosh futbolchiga ovoz berish natijalari haqida ma’lumot paydo bo‘ldi.

Eslatib o‘tamiz, ketma-ket ikkinchi yil mukofot "Barselona"ning 18 yoshli hujumchisi Lamin Yamalga nasib etdi va bu safar u ovoz berish jarayonida 124 ochko to‘pladi. Bu haqda "Oltin to‘p" matbuot xizmati ijtimoiy tarmoqlarda ma’lum qildi. Ikkinchi o‘rinni egallagan "PSJ" a’zosi Dezire Due 72 ochko, uning jamoadoshi Joau Nevesh esa 23 ochko jamg‘ardi. Darvoqe, "Chelsi" vakili Estevaoda ham shuncha ochko bor. Qolgan barcha da’vogarlar 10 ballga ham yeta olishmadi.

O‘tgan mavsum davomida Yamal 55 ta uchrashuvda 18 ta gol urdi va 25 ta golli uzatmani amalga oshirdi.