Madridning "Atletiko" klubi bosh murabbiyi Diyego Simeone derbida "Real"ni mag‘lub etishga (5:2) yordam bergan hujumchi Xulian Alvares haqidagi savolga javob qaytardi.
Argentinalik hujumchi avvaliga penaltini aniq amalga oshirdi, keyin esa jarima zarbasidan "qaymoqranglilar" darvozasini ishg‘ol qildi. Xabi Alonso jamoasi uchun bu mag‘lubiyat mavsumdagi birinchisi bo‘ldi.
"Xulian jamoaga, klubga sodiq. U bizga kerak, biz unga g‘amxo‘rlik qilamiz. Umid qilamanki, u bu yerda uzoq yillar qoladi. Uning gol urishi uchun barcha sharoitlarni yaratib berishimiz kerak," - dedi derbidan so‘ng Simeone.
Aynan Alvares uchrashuvning eng yaxshi futbolchisi deb topildi.
