Мадриднинг "Атлетико" клуби бош мураббийи Диего Симеоне дербида "Реал"ни мағлуб этишга (5:2) ёрдам берган ҳужумчи Хулиан Альварес ҳақидаги саволга жавоб қайтарди.
Аргентиналик ҳужумчи аввалига пенальтини аниқ амалга оширди, кейин эса жарима зарбасидан "қаймоқранглилар" дарвозасини ишғол қилди. Хаби Алонсо жамоаси учун бу мағлубият мавсумдаги биринчиси бўлди.
"Хулиан жамоага, клубга содиқ. У бизга керак, биз унга ғамхўрлик қиламиз. Умид қиламанки, у бу ерда узоқ йиллар қолади. Унинг гол уриши учун барча шароитларни яратиб беришимиз керак," - деди дербидан сўнг Симеоне.
Айнан Альварес учрашувнинг энг яхши футболчиси деб топилди.
