"Bavariya" Dushan Vlaxovich haqida ma’lumot to‘plamoqda.
Avvalroq, "Yuventus" 25 yoshli serbiyalik forvardni yanvar oyida sotib yuborishi mumkinligi haqida xabarlar tarqalgan edi. Uning turinliklar bilan shartnomasi muddati kelasi yozda tugaydi.
"Bavariya" Levandovskiga o‘rinbosar qidirayotganida Vlaxovichning vakillari bilan muzokaralar olib borayotgan edi.
Klub yana ma’lumot to‘plamoqda, chunki u ketishni xohlasa, Keynning vorisi bo‘lishi mumkin. Bundan tashqari, ular o‘zaro aloqalarni yo‘lga qo‘yib, birga o‘ynashlari varianti ham bor," - dedi Bild jurnalisti Kristian Falk.
Insayder Fabrisio Romano Vlaxovichga "Bavariya" qiziqish bildirayotganini tasdiqladi. Uning ma’lum qilishicha, nemis klubi hujumchiga oid ma’lumotlarni, jumladan, uning shartnomasi shartlari va ehtimoliy bitim narxini aniqlashtirgan.
Hozircha taklif bildirilmagan va bitim bo‘yicha muzokaralar boshlanmagan.
