"Бавария" Душан Влахович ҳақида маълумот тўпламоқда.
Аввалроқ, "Ювентус" 25 ёшли сербиялик форвардни январь ойида сотиб юбориши мумкинлиги ҳақида хабарлар тарқалган эди. Унинг туринликлар билан шартномаси муддати келаси ёзда тугайди.
"Бавария" Левандовскига ўринбосар қидираётганида Влаховичнинг вакиллари билан музокаралар олиб бораётган эди.
Клуб яна маълумот тўпламоқда, чунки у кетишни хоҳласа, Кейннинг вориси бўлиши мумкин. Бундан ташқари, улар ўзаро алоқаларни йўлга қўйиб, бирга ўйнашлари варианти ҳам бор," - деди Bild журналисти Кристиан Фалк.
Инсайдер Фабрицио Романо Влаховичга "Бавария" қизиқиш билдираётганини тасдиқлади. Унинг маълум қилишича, немис клуби ҳужумчига оид маълумотларни, жумладан, унинг шартномаси шартлари ва эҳтимолий битим нархини аниқлаштирган.
Ҳозирча таклиф билдирилмаган ва битим бўйича музокаралар бошланмаган.
