Myunxenning "Bavariya" klubi bosh murabbiyi Vensan Kompani Chempionlar ligasida Kiprning "Pafos" klubiga qarshi kechadigan uchrashuvdan nimalar kutayotgani haqida gapirib o‘tdi.
Uchrashuv 30 sentyabr kuni Kiprda bo‘lib o‘tadi. Hakamning start hushtagi Toshkent vaqti bilan soat 23:59 da yangraydi.
"Bu klublar o‘rtasidagi jahon chempionatiga o‘xshaydi. Sen kam uchrashadigan jamoalarga qarshi o‘ynaysan va raqib bilan oldindan ma’lumot to‘plamay, yo‘l-yo‘lakay tanishishga to‘g‘ri keladi," - deya belgiyalik mutaxassisning so‘zlarini keltiradi UEFA matbuot xizmati.
