Madridning "Real" klubi "Manchester Siti"dan yarim himoyachi Rodrini o‘z safiga qo‘shib olmoqchi edi.

Biroq, El Nacional xabariga ko‘ra, shaxsan "shaharliklar" bosh murabbiyi Xosep Gvardiola futbolchining sotilishiga qarshi chiqib, Rodrini jamoasining asosiy o‘yinchisi ekanini aytgan. Poytaxt klubining qiziqishiga qaramay, murabbiy "Rodri sotilmaydi," deb ta’kidladi.

Ispaniyalik futbolchining 2024 yil sentyabr oyida olgan xochsimon paylari uzilishi tufayli Rodri o‘tgan mavsumning katta qismini o‘tkazib yubordi. Futbolchining klub bilan amaldagi mehnat shartnomasi 2027 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 110 mln yevroni tashkil etadi. Gvardiola yaqinda bergan intervyusida Rodri avvalroq jarohat olgan tizzasida og‘riq sezgani va hozircha tarkibda emasligini ma’lum qilgandi.