"Bavariya"ning germaniyalik darvozaboni Manuel Noyer klub bilan amaldagi shartnomasi yakunlangach, futbolchilik faoliyatini davom ettirish haqida o‘ylamoqda. Bu haqda Bild xabar berdi.
39 yoshli posbonning "Bavariya" bilan amaldagi mehnat shartnomasi kelasi yozda o‘z nihoyasiga yetadi. Manbaga ko‘ra, Noyer klub bilan yangi shartnoma imzolashi va yuqori saviyada o‘ynashda davom etishi mumkin.
Noyer 2011 yildan buyon "Bavariya" sharafini himoya qilib kelmoqda. Bu mavsumda u barcha musobaqalarda sakkizta o‘yinda maydonga tushib, uchta uchrashuvda o‘z darvozasidan gol o‘tkazib yubormadi.













