"Бавария"нинг германиялик дарвозабони Мануэль Нойер клуб билан амалдаги шартномаси якунлангач, футболчилик фаолиятини давом эттириш ҳақида ўйламоқда. Бу ҳақда Bild хабар берди.
39 ёшли посбоннинг "Бавария" билан амалдаги меҳнат шартномаси келаси ёзда ўз ниҳоясига етади. Манбага кўра, Нойер клуб билан янги шартнома имзолаши ва юқори савияда ўйнашда давом этиши мумкин.
Нойер 2011 йилдан буён "Бавария" шарафини ҳимоя қилиб келмоқда. Бу мавсумда у барча мусобақаларда саккизта ўйинда майдонга тушиб, учта учрашувда ўз дарвозасидан гол ўтказиб юбормади.
