Xabaringiz bor, 27-sentyabr — 5-oktyabr kunlari oralig‘ida Hindistonning Nyu-Deli shahrida para yengil atletika bo‘yicha Jahon chempionati bo‘lib o‘tdi. Dunyoning 109 ta mamlakatidan jami 1400 nafarga yaqin sportchilar qatnashgan ushbu nufuzli musobaqada O‘zbekiston milliy terma jamoasi a’zolari ham ishtirok etib, yakunda 5 ta oltin, 5 ta kumush va 2 ta bronza medallarini qo‘lga kiritishdi.
Matonatli sportchilarimiz bugun Toshkent xalqaro aeroportida O‘zbekiston Milliy Paralimpiya qo‘mitasi, Respublika Olimpiya va Paralimpiya zaxiralari kolleji rahbariyati, OAV vakillari hamda yaqinlari tomonidan kutib olindi.
