"Paxtakor", "Spartak" va O‘zbekiston milliy terma jamoasi sobiq futbolchisi Valeriy Kechinov "oq bo‘rilar" bosh murabbiyi lavozimiga Fabio Kannavaroning tayinlanishiga munosabat bildirdi.
"Kannavaroning qanday murabbiy ekanini aytishim qiyin, chunki uning ishini kuzatmayman va muvaffaqiyatlaridan bexabarman. Ammo uning juda yaxshi va kuchli futbolchi ekanligi fakt. Har qanday holatda ham Fabio O‘zbekiston terma jamoasiga juda ko‘p narsa bera oladigan inson. Menimcha, bu terma jamoa uchun juda shov-shuvli va jiddiy yangilik. Murabbiyni almashtirish uchun qandaydir sabablar bo‘lsa kerak," - dedi Kechinov Rossiyaning "Chempionat" nashriga.
