"Пахтакор", "Спартак" ва Ўзбекистон миллий терма жамоаси собиқ футболчиси Валерий Кечинов "оқ бўрилар" бош мураббийи лавозимига Фабио Каннаваронинг тайинланишига муносабат билдирди.
"Каннаваронинг қандай мураббий эканини айтишим қийин, чунки унинг ишини кузатмайман ва муваффақиятларидан бехабарман. Аммо унинг жуда яхши ва кучли футболчи эканлиги факт. Ҳар қандай ҳолатда ҳам Фабио Ўзбекистон терма жамоасига жуда кўп нарса бера оладиган инсон. Менимча, бу терма жамоа учун жуда шов-шувли ва жиддий янгилик. Мураббийни алмаштириш учун қандайдир сабаблар бўлса керак," - деди Кечинов Россиянинг "Чемпионат" нашрига.
