Germaniyaning "Frayburg" klubi darvozaboni Noa Atubolu Milanning "Inter" klubi e’tiborini tortdi. Bu ma’lumotni taniqli jurnalist Florian Plettenberg ma’lum qildi.
Manbaga ko‘ra, "Inter" 23 yoshli Atuboluni kelasi yozda o‘z safiga qo‘shib olish imkoniyatini o‘rganmoqda. Hozircha tomonlar o‘rtasida hech qanday muzokaralar bo‘lgani yo‘q, ammo "neradzurrilar" futbolchining agentlari bilan uchrashishni rejalashtirmoqda. Aytish kerakki, 23 yoshli Atubolu faoliyatida ilk bor Germaniya terma jamoasidan oktyabr oyidagi o‘yinlarga chaqiruv oldi.
Joriy mavsumda darvozabon barcha turnirlarda to‘qqizta o‘yinda maydonga tushdi: uch marta o‘z darvozasini daxlsiz qoldirishga muvaffaq bo‘ldi.
