Германиянинг "Фрайбург" клуби дарвозабони Ноа Атуболу Миланнинг "Интер" клуби эътиборини тортди. Бу маълумотни таниқли журналист Флориан Плеттенберг маълум қилди.
Манбага кўра, "Интер" 23 ёшли Атуболуни келаси ёзда ўз сафига қўшиб олиш имкониятини ўрганмоқда. Ҳозирча томонлар ўртасида ҳеч қандай музокаралар бўлгани йўқ, аммо "нерадзуррилар" футболчининг агентлари билан учрашишни режалаштирмоқда. Айтиш керакки, 23 ёшли Атуболу фаолиятида илк бор Германия терма жамоасидан октябрь ойидаги ўйинларга чақирув олди.
Жорий мавсумда дарвозабон барча турнирларда тўққизта ўйинда майдонга тушди: уч марта ўз дарвозасини дахлсиз қолдиришга муваффақ бўлди.
