Angliya terma jamoasi hujumchisi Xarri Keyn chorshanba kuni umumiy guruhda mashg‘ulot o‘tkazmadi. The Independent nashrining xabar berishicha, terma jamoa futbolchilari maydonda mashg‘ulot o‘tkazayotgan vaqtda yulduz hujumchi tibbiy shtab nazorati ostida individual dastur asosida bino ichida ishlagan.

Shu tariqa, Xarri Keyn Angliya milliy jamoasining navbatdagi o‘yinini o‘tkazib yuborishi mumkin - jamoa payshanba kuni Uelsga qarshi o‘rtoqlik o‘yinida maydonga tushadi.

Keyn "Bavariya"ning "Ayntraxt"ga qarshi so‘nggi o‘yinida jarohat olgan. O‘sha o‘yindan keyin hujumchi bir necha kundan keyin safga qaytishini aytgandi.

Eslatib o‘tamiz, Angliya terma jamoasi seshanba kuni 2026 yilgi jahon chempionati saralashida Latviyaga qarshi maydonga tushadi.