Англия терма жамоаси ҳужумчиси Харри Кейн чоршанба куни умумий гуруҳда машғулот ўтказмади. The Independent нашрининг хабар беришича, терма жамоа футболчилари майдонда машғулот ўтказаётган вақтда юлдуз ҳужумчи тиббий штаб назорати остида индивидуал дастур асосида бино ичида ишлаган.
Шу тариқа, Харри Кейн Англия миллий жамоасининг навбатдаги ўйинини ўтказиб юбориши мумкин - жамоа пайшанба куни Уэльсга қарши ўртоқлик ўйинида майдонга тушади.
Кейн "Бавария"нинг "Айнтрахт"га қарши сўнгги ўйинида жароҳат олган. Ўша ўйиндан кейин ҳужумчи бир неча кундан кейин сафга қайтишини айтганди.
Эслатиб ўтамиз, Англия терма жамоаси сешанба куни 2026 йилги жаҳон чемпионати саралашида Латвияга қарши майдонга тушади.













