Italiyaning "Milan" klubi sobiq himoyachisi Alessandro Nesta klubdagi ilk kunlarini esladi.
Uning so‘zlariga ko‘ra, "Milan"da dastlab unga yoqmagan, chunki Nesta "Lasio"da o‘ynagan Rimga juda o‘rganib qolgan edi.
"Dastlabki olti oy dahshatli bo‘ldi. Menga bu yerda hech narsa yoqmasdi, men Rimni juda sog‘ingan edim. Biz, rimliklar, har doim uyni juda yaxshi ko‘ramiz, aqlan biroz yopiqmiz, Rimni tark etmaymiz. Lekin keyin... Milanda o‘tgan bu o‘n yil hayotimdagi eng yaxshi yillarim bo‘ldi," - deya Nestaning so‘zlarini keltiradi pianetamilan.it.
Eslatib o‘tamiz, Alessandro Nesta 2002-2012 yillarda "Milan" sharafini himoya qilgan.













