Италиянинг "Милан" клуби собиқ ҳимоячиси Алессандро Неста клубдаги илк кунларини эслади.
Унинг сўзларига кўра, "Милан"да дастлаб унга ёқмаган, чунки Неста "Лацио"да ўйнаган Римга жуда ўрганиб қолган эди.
"Дастлабки олти ой даҳшатли бўлди. Менга бу ерда ҳеч нарса ёқмасди, мен Римни жуда соғинган эдим. Биз, римликлар, ҳар доим уйни жуда яхши кўрамиз, ақлан бироз ёпиқмиз, Римни тарк этмаймиз. Лекин кейин... Миланда ўтган бу ўн йил ҳаётимдаги энг яхши йилларим бўлди," - дея Нестанинг сўзларини келтиради pianetamilan.it.
Эслатиб ўтамиз, Алессандро Неста 2002-2012 йилларда "Милан" шарафини ҳимоя қилган.













