"Manchester Yunayted" hozirda Angliya terma jamoasida ishlayotgan germaniyalik mutaxassis Tomas Tuxelni jamoa boshqaruviga taklif qilish bo‘yicha rejalarini aniqlab oldi.
The Sun jurnalistlari ma’lumotiga ko‘ra, "qizil iblislar" Tuxelni portugaliyalik Ruben Amorimga o‘rinbosar sifatida taklif qilmoqchi emas. Eslatib o‘tamiz, germaniyalik murabbiyning terma jamoa bilan mehnat shartnomasi kelasi yilning yozida yakuniga yetadi.
Premyer-liganing 7 turidan so‘ng "qizil iblislar" o‘n ochko jamg‘arib, turnir jadvalida o‘ninchi o‘rinni egallab turibdi. "MYU" chempionatdagi navbatdagi o‘yinini safarda "Liverpul"ga qarshi o‘tkazadi.
