"Манчестер Юнайтед" ҳозирда Англия терма жамоасида ишлаётган германиялик мутахассис Томас Тухелни жамоа бошқарувига таклиф қилиш бўйича режаларини аниқлаб олди.
The Sun журналистлари маълумотига кўра, "қизил иблислар" Тухелни португалиялик Рубен Аморимга ўринбосар сифатида таклиф қилмоқчи эмас. Эслатиб ўтамиз, германиялик мураббийнинг терма жамоа билан меҳнат шартномаси келаси йилнинг ёзида якунига етади.
Премьер-лиганинг 7 туридан сўнг "қизил иблислар" ўн очко жамғариб, турнир жадвалида ўнинчи ўринни эгаллаб турибди. "МЮ" чемпионатдаги навбатдаги ўйинини сафарда "Ливерпуль"га қарши ўтказади.
