Hujumchi Olli Uotkins JCH-2026 saralashidan o‘rin olgan Latviyaga qarshi o‘yinda Angliya terma jamoasiga yordam bermaydi. "Uch sherlar" saytida ma’lum qilinishicha, Uotkins Uelsga qarshi o‘rtoqlik o‘yinida olgan jarohatidan keyin hali tiklanmagan.
Angliya terma jamoasi 22 nafar futbolchidan iborat tarkibda Rigaga yo‘l oladi.
Latviya va Angliya terma jamoalari o‘rtasidagi bahs 14 oktyabr, seshanba kuni bo‘lib o‘tadi. Inglizlar saralashning barcha beshta o‘yinida g‘alaba qozonishdi. Tomas Tuxel jamoasi Rigada g‘alaba qozonsa, jahon chempionati yo‘llanmasini qo‘lga kiritadi.













