Ferlan Mendi tez orada "Real" bilan mashg‘ulotlarni qayta boshlaydi.
The Athletic xabariga ko‘ra, himoyachi deyarli yarim yil ichida birinchi marta shu haftada jamoadoshlari bilan qisman mashg‘ulotlarga qaytishi kerak.
Fransiyalik 26 aprel kuni Ispaniya kubogi finalida "Barselona"ga qarshi o‘yinda (2:3) son mushaklari payidan jarohat olgandi. Mendi shundan so‘ng jarrohlik amaliyotini boshdan kechirdi.
Endi esa 30 yoshli futbolchiga guruh mashqlarida yuklamani bosqichma-bosqich oshirish rejalashtirilmoqda. Bu jarohatning qaytalanish xavfini minimallashtirish maqsadida amalga oshiriladi.













