Ферлан Менди тез орада "Реал" билан машғулотларни қайта бошлайди.
The Athletic хабарига кўра, ҳимоячи деярли ярим йил ичида биринчи марта шу ҳафтада жамоадошлари билан қисман машғулотларга қайтиши керак.
Франциялик 26 апрель куни Испания кубоги финалида "Барселона"га қарши ўйинда (2:3) сон мушаклари пайидан жароҳат олганди. Менди шундан сўнг жарроҳлик амалиётини бошдан кечирди.
Энди эса 30 ёшли футболчига гуруҳ машқларида юкламани босқичма-босқич ошириш режалаштирилмоқда. Бу жароҳатнинг қайталаниш хавфини минималлаштириш мақсадида амалга оширилади.
