Erkin agent maqomidagi italiyalik mashhur hujumchi Mario Balotelli yangi jamoa qidirayotgani haqida gapirdi.
"Mustaqil mashg‘ulotlar o‘tkazaman, jismoniy holatim a’lo darajada. Italiyadan jamoa topmoqchiman. Hozir menda bir nechta variant bor, lekin shoshilishni xohlamayman. Yanvargacha kutaman, keyin esa yakuniy qarorga kelaman", - deya 35 yoshli futbolchining so‘zlarini keltiradi Tribal Football.
Eslatib o‘tamiz, tajribali goleadorning so‘nggi ish joyi Genuyaning "Jenoa" klubi bo‘lgan edi.













