La Liga, "Barselona" va "Vilyarreal" vakillari AQSHdagi o‘yinni muhokama qilish uchun jamoa sardorlari bilan uchrashuvni e’tiborsiz qoldirdi. Bu haqda AS xabar bermoqda. Eslatib o‘tamiz, avvalroq Ispaniya chempionati 17-turidan o‘rin olgan jamoalar o‘rtasidagi uchrashuv Mayamidagi "Xard Rok" stadionida bo‘lib o‘tishi ma’lum bo‘lgandi.
Nashr ma’lumotlariga ko‘ra, "sariq suvosti kemasi" va "ko‘k-anorranglilar" prezidentlari Fernando Roch va Joan Laporta, shuningdek, La Liga rahbari Xavyer Tebas uchrashuvni futbolchilar o‘ynaydigan yoki mashg‘ulot o‘tkazadigan sanalarga ko‘chirish uchun yig‘ilishga kelmagan. Ularning fikricha, bu sardorlarning qaror qabul qilishda ishtirok etishini qiyinlashtiradi.
Shu bilan birga, jamoa sardorlari La Liga bilan imzolangan kelishuv doirasida o‘z huquqlari qanday amalga oshirilishi, mablag‘lar qanday taqsimlanishi, shuningdek, bunday o‘yinlar qanchalik tez-tez va qachon o‘tkazilishi haqida ma’lumot olishni istamoqda.
