"Bavariya" forvardi Xarri Keyn bu mavsumdagi o‘yinlariga baho berdi. Keyn myunxenliklar safida o‘tgan 10 ta o‘yinda 18 ta gol urdi va 3 ta golli uzatmani amalga oshirdi.
"Bu faoliyatimdagi eng yaxshi mavsum starti bo‘ldi, bunga shubha yo‘q. O‘zimni juda yaxshi his qilyapman. Men ikki yildan beri Myunxenda yashayman. Xotinim va bolalarim baxtli, bu ham katta rol o‘ynaydi.
Jismoniy jihatdan juda yaxshi holatdaman. Ko‘tarinki kayfiyatdaman, chunki ko‘plab vaziyatlar yaratadigan jamoada o‘ynayapman. Men esa bilaman: agar menda vaziyatlar bo‘lsa - gol uraman," - dedi Keyn Daily Mail nashriga.
Xarri Keyn 32 yoshda, uning "Bavariya" bilan shartnomasi 2026/2027 yilgi mavsum oxirigacha mo‘ljallangan.
