"Бавария" форварди Харри Кейн бу мавсумдаги ўйинларига баҳо берди. Кейн мюнхенликлар сафида ўтган 10 та ўйинда 18 та гол урди ва 3 та голли узатмани амалга оширди.
"Бу фаолиятимдаги энг яхши мавсум старти бўлди, бунга шубҳа йўқ. Ўзимни жуда яхши ҳис қиляпман. Мен икки йилдан бери Мюнхенда яшайман. Хотиним ва болаларим бахтли, бу ҳам катта роль ўйнайди.
Жисмоний жиҳатдан жуда яхши ҳолатдаман. Кўтаринки кайфиятдаман, чунки кўплаб вазиятлар яратадиган жамоада ўйнаяпман. Мен эса биламан: агар менда вазиятлар бўлса - гол ураман," - деди Кейн Daily Mail нашрига.
Харри Кейн 32 ёшда, унинг "Бавария" билан шартномаси 2026/2027 йилги мавсум охиригача мўлжалланган.
