Hozirda "Sevilya" sharafini himoya qilayotgan markaziy hujumchi Aleksis Sanchesi "Manchester Siti"ga o‘tishga yaqin kelganini aytib berdi.
"Men "Siti"ga o‘tmoqchi edim. Men Pep Gvardiola bilan har kuni gaplashardim, u meni tug‘ilgan kunim bilan tabrikladi. U menga otamdek edi. U "Barselona"da mening otam edi. Biz deyarli har kuni gaplashardik va transferga hamma narsa tayyor edi. Mening o‘rnimga "Arsenal"ga o‘tishi kerak bo‘lgan futbolchi bor edi. Ammo bir payt Arsen Venger menga o‘sha futbolchi o‘tishni istamagani uchun ketmasligimni aytdi, ularda esa boshqa variant yo‘q edi...", - dedi hozirda 36 yoshda bo‘lgan Sanches.
Sanches faoliyati davomida "Udineze", "Barselona", "Arsenal", "Manchester Yunayted", "Inter" va "Marsel" kabi mashhur jamoalar sharafini himoya qilgan.













