"Manchester Yunayted" bosh murabbiyi Ruben Amorim qaysi yarim himoyachi bilan shartnoma imzolashni ma’qul ko‘rayotgani ma’lum bo‘ldi.
The i Paper nashri tarqatgan xabarga ko‘ra "Kristal Pelas" yarim himoyachisi Adam Uorton "Manchester Yunayted" short-listida "iblislar" o‘tgan yozda sotib olmoqchi bo‘lgan "Brayton" xavbeki Karlos Balebani ortda qoldirdi. Ta’kidlanishicha, Amorim Uortonning o‘yinidan hayratda, chunki u har doim hujumni kuchaytirishni maqsad qilgan.
Joriy mavsumda 21 yoshli Uorton barcha musobaqalarni qo‘shib hisoblaganda o‘nta o‘yinda maydonga tushdi va o‘z hisobiga bitta assist yozdirib qo‘ydi. Transfermarkt portali mutaxassislari xavbekning narxini 45 million yevroga baholamoqda.
