Germaniyaning "RB Leypsig" klubi bir qator klublar e’tiboriga tushgan vinger Yan Diomandening narxini e’lon qildi. Bu haqda Sky Germany xabar bermoqda.
Manbaga ko‘ra, Leypsig klubi 18 yoshli futbolchi bilan 100 million yevro evaziga xayrlashishga tayyor. Bu summa o‘sib kelayotgan yulduzni o‘z safiga qo‘shib olishni istagan ko‘plab jamoalarni avtomatik ravishda saralab oladi. Agar to‘satdan transfer amalga oshsa, u jamoa tarixidagi eng kattasi bo‘ladi.
Diomande shu yilning iyul oyida Ispaniyaning "Leganes" klubidan 20 million yevroga sotib olingan edi. Joriy klub mavsumida 7 ta o‘yinda futbolchi bitta gol urgan.
