Германиянинг "РБ Лейпциг" клуби бир қатор клублар эътиборига тушган вингер Ян Диоманденинг нархини эълон қилди. Бу ҳақда Sky Germany хабар бермоқда.
Манбага кўра, Лейпциг клуби 18 ёшли футболчи билан 100 миллион евро эвазига хайрлашишга тайёр. Бу сумма ўсиб келаётган юлдузни ўз сафига қўшиб олишни истаган кўплаб жамоаларни автоматик равишда саралаб олади. Агар тўсатдан трансфер амалга ошса, у жамоа тарихидаги энг каттаси бўлади.
Диоманде шу йилнинг июль ойида Испаниянинг "Леганес" клубидан 20 миллион еврога сотиб олинган эди. Жорий клуб мавсумида 7 та ўйинда футболчи битта гол урган.













