Agent Federiko Pastorello Madridning "Real" klubi hujumchi Romelu Lukakuga qanday qiziqish bildirgani haqida gapirib berdi.
Belgiyalik 2023 yilda "qirollik klubi"ga o‘tishi mumkin edi - o‘sha paytda u hali "Chelsi"ga tegishli edi.
"Lukaku "Real"ga o‘tish imkoniyatiga ega edi. Klub hujumchini sotib olish haqida o‘ylayotgandi, ammo Mbappening tez orada kelishini nazarda tutishgandi, shuning uchun ijara uchun ko‘p pul sarflashni istashmadi. Anchelotti Romeluni o‘z jamoasida ko‘rishdan xursand bo‘lardi, ammo, afsuski, bunday bo‘lmadi," - deya Pastorelloning so‘zlarini keltiradi The Touchline.
2023 yilning avgustida Romelu Lukaku "Roma"ga ijaraga o‘tdi va bir yildan so‘ng "Napoli"ga to‘liq transfer qilindi.
