Londonning "Chelsi" klubi futbolchisi Alexandro Garnacho "Nottingem Forest"ga qarshi o‘yin oldidan jurnalistlar bilan suhbatlashdi.
"O‘ylaymanki, bizning jamoa ligada va boshqa barcha turnirlarda kurashish uchun yetarlicha yaxshi. Biz bu mavsumda hech bo‘lmaganda bitta sovrin yutishni istaymiz. Buning uchun bizda hamma narsa bor deb o‘ylayman, bu bizning orzumiz.
"Nottingem Forest" qiyinchiliklarni boshdan kechirmoqda, ammo futbolda har narsa bo‘lishi mumkin. Ehtimol, ular g‘alaba qozonmayotgandir, ammo ularda o‘yinda g‘alaba qozonish istagida yonayotgan yaxshi o‘yinchilar bor. Biz tayyor bo‘lishimiz kerak," - deya Garnachoning so‘zlarini keltiradi "Chelsi" matbuot xizmati.
