"Marsel" "Gavr"ni 6:2 hisobida mag‘lub etganida Meyson Grinvud aql bovar qilmaydigan o‘yin namoyish etdi. Angliyalik hujumchi to‘rtta gol urib, Roberto De Zerbi jamoasini Liga 1 peshqadamiga aylantirdi. Uchrashuvdan so‘ng italiyalik murabbiy matbuot anjumanida inglizni chin dildan maqtadi.
"Unda dunyoning eng yaxshi o‘yinchilaridan biri bo‘lish uchun sifatlar bor. U o‘ta iste’dodli, ammo jamoaga yanada foydali bo‘lishi kerak. Men uni himoya qilmoqchiman, chunki unga nisbatan tanqidni ko‘rishni yoqtirmayman. U ko‘plab gollar urdi, hech qachon mashg‘ulotlarni o‘tkazib yubormadi va unda hali rivojlanish uchun imkon bor," - dedi De Dzerbi.
Eslatib o‘tamiz, Grinvud "Marsel" safiga 2024 yilning yozida "Manchester Yunayted"dan taxminan 31,6 million yevro evaziga kelib qo‘shilgan edi.
