"Марсел" "Гавр"ни 6:2 ҳисобида мағлуб этганида Мэйсон Гринвуд ақл бовар қилмайдиган ўйин намойиш этди. Англиялик ҳужумчи тўртта гол уриб, Роберто Де Зерби жамоасини Лига 1 пешқадамига айлантирди. Учрашувдан сўнг италиялик мураббий матбуот анжуманида инглизни чин дилдан мақтади.
"Унда дунёнинг энг яхши ўйинчиларидан бири бўлиш учун сифатлар бор. У ўта истеъдодли, аммо жамоага янада фойдали бўлиши керак. Мен уни ҳимоя қилмоқчиман, чунки унга нисбатан танқидни кўришни ёқтирмайман. У кўплаб голлар урди, ҳеч қачон машғулотларни ўтказиб юбормади ва унда ҳали ривожланиш учун имкон бор," - деди Де Дзерби.
Эслатиб ўтамиз, Гринвуд "Марсель" сафига 2024 йилнинг ёзида "Манчестер Юнайтед"дан тахминан 31,6 миллион евро эвазига келиб қўшилган эди.
