"Bavariya" o‘z maydonida "Bryugge"ni mag‘lub etib (4:0), g‘alabali seriyasini davom ettirdi.

Vensan Kompani jamoasi joriy mavsumdagi 12 ta rasmiy o‘yinning barchasida g‘alaba qozondi - bu nemis futbolining barcha davrlardagi rekordi, deya ta’kidlaydi Opta. Yevropaning beshta yetakchi ligasidagi eng uzoq davom etgan seriyani takrorlash uchun faqat bitta g‘alaba kerak. Hozircha rekordchi Italiyaning "Milan" klubi bo‘lib turibdi, u 1992/93 yilgi mavsumni 13 ta g‘alaba bilan boshlagan.

Myunxenliklar 25 oktyabr, shanba kuni Bundesliga doirasida "Borussiya M" mehmoni bo‘lsa, keyingi chorshanba kuni Germaniya kubogi doirasida "Kyoln"ga qarshi maydonga tushadi.