"Napoli"ning 22 yoshli hujumchisi Rasmus Xyoylund A Seriyasining 8-tur uchrashuvida jamoasiga yordam bera olmaydi. O‘yin 25 oktyabr kuni Neapoldagi "Diego Armando Maradona" stadionida bo‘lib o‘tadi.
Daniya milliy jamoasi a’zosi mushak jarohatidan to‘liq tiklanishga ulgurmadi. Ilgari klub rahbariyati hujumchining "Inter" bilan bo‘ladigan muhim uchrashuvga tayyor bo‘lishini kutgan edi, biroq so‘nggi mashg‘ulotdan so‘ng Xyoylund hali ham kerakli jismoniy holatga yetib kelmagani ma’lum bo‘ldi.
Joriy mavsumda daniyalik futbolchi "Napoli" safida barcha musobaqalarda 6 ta o‘yinda ishtirok etib, 4 ta gol urdi. Hozircha u Neapol jamoasining eng samarali hujumchisi hisoblanadi.
