"Napoli"ning 28 yoshli darvozaboni Aleks Meret jamoa mashg‘ulotlari vaqtida oyog‘idan jarohat oldi. Bu haqda Neapol klubi matbuot xizmati xabar berdi.
Ansa nashri tarqatgan xabarga ko‘ra 28 yoshli italiyalik darvozabon lazaretda kamida bir oy davolanadi. Italiya chempionatining joriy mavsumida Meret 4 ta uchrashuvda qatnashib, 4 ta gol o‘tkazib yubordi.
Ikki o‘yinda darvozabon o‘z darvozasi daxlsizligini saqlab qoldi.
"Napoli" A Seriyada 7ta o‘yin o‘tkazib, 15 ochko to‘pladi va turnir jadvalida uchinchi o‘rinda bormoqda. Jamoa peshqadam "Milan"dan 2 ochko ortda qolmoqda.
Neapolliklar navbatdagi o‘yinni 25 oktyabr kuni Milanning "Inter" klubiga qarshi o‘tkazadi.
