"Наполи"нинг 28 ёшли дарвозабони Алекс Мерет жамоа машғулотлари вақтида оёғидан жароҳат олди. Бу ҳақда Неаполь клуби матбуот хизмати хабар берди.
Ansa нашри тарқатган хабарга кўра 28 ёшли италиялик дарвозабон лазаретда камида бир ой даволанади. Италия чемпионатининг жорий мавсумида Мерет 4 та учрашувда қатнашиб, 4 та гол ўтказиб юборди.
Икки ўйинда дарвозабон ўз дарвозаси дахлсизлигини сақлаб қолди.
"Наполи" А Серияда 7та ўйин ўтказиб, 15 очко тўплади ва турнир жадвалида учинчи ўринда бормоқда. Жамоа пешқадам "Милан"дан 2 очко ортда қолмоқда.
Неаполликлар навбатдаги ўйинни 25 октябрь куни Миланнинг "Интер" клубига қарши ўтказади.
