"Manchester Yunayted" "Bavariya" yarimhimoyachisi Aleksandr Pavlovichni yangi transfer maqsadi sifatida belgiladi. Bu haqda Caught Offside xabar bermoqda.
Manbaga ko‘ra, 21 yoshli futbolchining ingliz klubiga o‘tishiga uning narxi to‘sqinlik qilishi mumkin, chunki "Bavariya" Pavlovichni 80 mln yevroga baholamoqda. "Qizil iblislar" nemis futbolchisini Kazemiroga uzoq muddatli o‘rinbosar sifatida ko‘rmoqda.
Ta’kidlanishicha, Pavlovichni qishda sotib olish ehtimoli kam, ammo transfer 2026 yilning yozida amalga oshishi mumkin.
Pavlovich joriy mavsumda barcha musobaqalarda 15 ta o‘yinda maydonga tushib, bitta gol urishga muvaffaq bo‘ldi. Futbolchining klub bilan amaldagi mehnat shartnomasi 2029 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 55 mln yevroni tashkil etadi.
