"Манчестер Юнайтед" "Бавария" яримҳимоячиси Александр Павловични янги трансфер мақсади сифатида белгилади. Бу ҳақда Caught Offside хабар бермоқда.
Манбага кўра, 21 ёшли футболчининг инглиз клубига ўтишига унинг нархи тўсқинлик қилиши мумкин, чунки "Бавария" Павловични 80 млн еврога баҳоламоқда. "Қизил иблислар" немис футболчисини Каземирога узоқ муддатли ўринбосар сифатида кўрмоқда.
Таъкидланишича, Павловични қишда сотиб олиш эҳтимоли кам, аммо трансфер 2026 йилнинг ёзида амалга ошиши мумкин.
Павлович жорий мавсумда барча мусобақаларда 15 та ўйинда майдонга тушиб, битта гол уришга муваффақ бўлди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 55 млн еврони ташкил этади.
