Myunxenning "Bavariya" klubi klubning sobiq futbolchisi Jerom Boateng jamoada rejalashtirilgan amaliyotni o‘tamasligini ma’lum qildi.
"Joriy haftada "Bavariya" va Jerom Boateng o‘rtasida bo‘lib o‘tgan konstruktiv fikr almashish natijasida Jerom Boatengning klubda amaliyot o‘tamasligi haqida qaror qabul qilindi.
Jerom "Bavariya"ga qattiq bog‘lanib qolgan va jamoa uning atrofida boshlangan bahsdan aziyat chekishini istamaydi," - deyiladi klub rasmiy saytida e’lon qilingan bayonotda.
Avvalroq, "Bavariya" muxlislari Boatengning amaliyot o‘tashiga qarshi norozilik bildirgan edi.
Eslatib o‘tamiz, avvalroq futbolchi tan jarohati yetkazish ishi bo‘yicha ayblanuvchi sifatida sudlangan edi.
