Мюнхеннинг "Бавария" клуби клубнинг собиқ футболчиси Жером Боатенг жамоада режалаштирилган амалиётни ўтамаслигини маълум қилди.
"Жорий ҳафтада "Бавария" ва Жером Боатенг ўртасида бўлиб ўтган конструктив фикр алмашиш натижасида Жером Боатенгнинг клубда амалиёт ўтамаслиги ҳақида қарор қабул қилинди.
Жером "Бавария"га қаттиқ боғланиб қолган ва жамоа унинг атрофида бошланган баҳсдан азият чекишини истамайди," - дейилади клуб расмий сайтида эълон қилинган баёнотда.
Аввалроқ, "Бавария" мухлислари Боатенгнинг амалиёт ўташига қарши норозилик билдирган эди.
Эслатиб ўтамиз, аввалроқ футболчи тан жароҳати етказиш иши бўйича айбланувчи сифатида судланган эди.
